Bu gün həmkarımız, Sumqayit.tv saytının redaktoru, kəsərli qələm sahibi, dəyərli dost, Vüsal Hacıyevin doğum günüdür. Vüsal bəy 37 illik ömrünü şərəflə yaşayan, dövlətçiliyə və millətinə bağlı olan insanlardandır. Vüsal Hacıyevin işinə məsuliyyətlə yanaşması onun peşəkarlığının göstəricisidir. Vüsal bəy üçün mənəvi-əxlaqı dəyərlər kodeksi hər zaman ön planda olub. Bəzən haqsızlıqlarla qarşılaşanda özündən asılı olmayaraq çılğıncasına reaksiya verməsi, Vüsalın nə qədər saf və ədalətli olmasından irəli gəlir. 
Əzizimiz Vüsal bəy !
Sizə bundan sonrakı ömrünüzü də şərəflə yaşamağı Allahdan arzu edirik. Hər zaman ananın, ailənin, doğmalarının, səni sevənlərin və sənin sevdiklərinin, ən əsası isə bircə oğlun Rəsulun əhatəsində olasan. Arzuladığın və uğrunda mübarizə apardığın ədalətli cəmiyyətdə yaşamaq nəsibin olsun!
Doğum günün mübarək olsun, cənab redaktor! Təbriklər!

Sumqayit.tv redaksiyası