Bu gün AZƏRTAC-ın müxbiri Məhərrəm İbrahimov və Azərbaycan Televiziyasının operatoru Sirac Abışovun şəhid olmalarından beş il ötür.
Sumqayit.tv xəbər verir ki, 2021-ci il iyunun 4-də işğaldan azad olunmuş Kəlbəcər rayonuna ezam olunan jurnalistləri aparan avtomobil Susuzluq kəndi ərazisində tank əleyhinə minaya düşüb.
Hadisə nəticəsində AZTV-nin operatoru Sirac Abışov, AZƏRTAC-ın müxbiri Məhərrəm İbrahimov və Kəlbəcər Rayon İcra Hakimiyyətinin nümayəndəsi Arif Əliyev şəhid olub, daha dörd nəfər yaralanıb.
Qeyd edək ki, Sirac Abışov 1989-cu ildə Qubadlı şəhərində anadan olub. O, 2019-cu ildən Azərbaycan Televiziyasında fəaliyyət göstərib. Bir övlad atası olan Sirac Abışov Sumqayıt Şəhidlər xiyabanında dəfn edilib.
Hər iki jurnalist ölümündən sonra Azərbaycan Prezidentinin sərəncamı ilə 3-cü dərəcəli “Vətənə xidmətə görə” ordeni ilə təltif olunub.
Allah bütün şəhidlərimizə rəhmət eləsin.
Bu gün, 11:53
7
