Sumqayit.tv xəbər verir ki, bir neçə gündür sosial şəbəkələrdə Tibbi Ərazi Bölmələrini İdarəetmə Birliyinin (TƏBİB) İdarə heyətinin sədri Ramin Bayramlının özünə bahalı villa tikdirməsilə bağlı məlumatlar geniş əks-səda doğurub. 
Deyilənlərə görə, TƏBİB rəhbəri sotu 70 min manatdan başlayan Badamdar qəsəbəsində birinci massivdən 4 sot torpaq alıb. Ramin Bayramlının vaxtaşırı bu əraziyə gələrək tikintinin gedişatı ilə maraqlanır. Eyni zamanda, “Referans” klinikasının da ona məxsus olması barədə məlumatlar dərc olunub. 
TƏBİB yayılmış məlumatlarla bağlı açıqlama yayıb: "Son günlər bəzi saytlarda və sosial şəbəkələrdə TƏBİB rəhbərliyi ilə bağlı dərc olunan məlumatlar həqiqəti əks etdirmir. Heç bir ciddi fakta və sənədlərə əsaslanmayan və araşdırılma aparılmadan yayılmış məlumatları təəssüflə qarşılayır və təkzib edirik. Hamımız üçün önəmli olan pandemiya ilə mübarizə apardığımız bu dövrdə hər kəsdən daha həssas olmağı xahiş edirik”.