Ukrayna Prezidenti Vladimir Zelenskinin xanımı Yelena Zelenskaya onu doğum günü münasibətilə təbrik edib.
Sumqayit.tv xəbər verir ki, Zelenskaya bu barədə İnstaqram hesabında paylaşım edib:
“Məndən tez-tez sənin bu il ərzində necə dəyişdiyini soruşurlar. Mən isə həmişə cavab verirəm ki, o dəyişməyib, həmin adamdır. O, 17 yaşımız olanda tanış olduğum həmin oğlandır. Əslində bəzi şeylər dəyişib: sən indi daha az gülürsən. Sənə təbəssüm üçün daha çox səbəb arzulayıram. Sən bunun üçün nə lazım olduğunu bilirsən. Biz hamımız bilirik. Səninlə birgə hər zaman gülmək istəyirəm. Mənə bu imkanı bəxş et”.
Qeyd edək ki, bu gün Zelenskinin 45 yaşı tamam olur.