Azərbaycan Tibb Universitetinin dosenti, fizioloq, tibb üzrə fəlsəfə doktoru Rəşid Mahmudov da son günlər məktəblərdə baş verən mənfi hallarla bağlı etirazını bildirib.

Moderator.az-a açıqlama verən ziyalımız deyib ki, bu cür hallar hər zaman olub.
 
“Məktəblərdə zorakılıq və digər mənfi hallar hər zaman olub və olacaq da. Sovet dövründə elə dəhşətli hadisələr baş verirdi ki. Məktəblərə silahla daxil olub, neçə uşağı öldürürdülər. Belə hallar bütün ölkələrdə olur. Məktəbdə 2-ci sinif şagirdinə cinsi zorakılıq edən digər sinif şagirdlərinə bir ad verə bilərəm. Onlar manyakdır. Burada direktorda günah görmürəm. Uşaq manyakdır, evdə tərbiyə edib məktəbə göndəriblər. Tərbiyədən çox şey asılıdır. Kasıb adam var ki, uşağı ilə bacarmır, gedib küçədə qoşulur pislərə, pozulur. Çoxunu pozub, narkoman edirlər. Varlı, imkanlı adamların övladlarını zorla narkoman edirlər ki, gedib o pulla narkotik alsın. Bir də manyaklar var, azyaşlı qızlara cinsi zorakılıq edirlər. Seçə bilmirsən axı manyakdır. Necə seçəsən? Normal, adam kimi yeriyir, normal geyinir. Manyak da var ki, qızı öldürür onun meyiti ilə yaşayır. Bu xəstəlikdir. Məktəbdə psixoloqların olması mütləqdir. Onların üzərinə böyük məsuliyyət düşür. Kimdir bu dəqiqə ona baxan?! Reallıqdan danışaq da. Deməklə deyil axı. Bir də görürsən pəltək adam gedib APİ-ni qurtarır, tələbəyə dərs başa sala bilmir. Belə müəllimlər də var. Onu işə götürəndədir günah” deyə Rəşid Mahmudov bildirib.