Avropa standartları ilə yeni təhsil mərkəzi açıldı
Sumqayit.tv xəbər verir ki, Ucarda Avropa standartlarına uyğun yeni Təhsil Mərkəzi fəaliyyətə başlayıb.
Bu barədə EL school Təhsil Mərkəzinin Meneceri Düranə Əhmədova məlumat verib. Düranə Əhmədova bildirib ki, EL school Təhsil Mərkəzinin təsisçisi və direktoru tanınmış yazıçı və jurnalist Elçin Aslangildir.
"EL school Təhsil Mərkəzində 1 -ci sinifdən, 11- ci sinifə qədər şagirdlər təhsil alır. 10 və 11-ci sinif şagirdlərinə abituriyent hazırlıqları yüksək səviyyədə tədris olunur. Bundan başqa EL school Təhsil Mərkəzində beş yaşlılar üçün təlim və tədris, eləcə də, müəllimlərin işə qəbulu (MİQ) hazırlığı mövcuddur".  EL schoolda şagirdlərə Rəssamlıq və piroqrafiya, ingilis dilindən danışıq kursları da keçiriləcək. Şagirdlərin motivasiyasını təşkil etmək üçün EL schoolda kino kulubu, kitab klubu, ayda iki dəfə elm və sənət adamları ilə onlayn görüşlər, eləcə də nitq mədəniyyəti təlimləri ödənişsiz olacaq.