Azərbaycanda müntəzəm avtobus marşrutlarının keyfiyyətini artırmaq məqsədilə elan olunan müsabiqə çərçivəsində Sumqayıtdan bir neçə şəhərə avtobus xətləri də təqdim edilib.

Sumqayit.tv xəbər verir ki, Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) tərəfindən müsabiqəyə çıxarılan marşrutlar aşağıdakılardır:

Sumqayıt–Göyçay
Sumqayıt–Beyləqan
İmişli–Sumqayıt

Müsabiqə mərhələli qaydada keçiriləcək. Qanunvericiliyin tələblərinə uyğun olaraq təşkil edilən bu prosesin əsas məqsədi sərnişindaşıma xidmətinin təhlükəsizliyini, rahatlığını və keyfiyyətini artırmaqdır.

Sənədlərin qəbulu 19 sentyabr 2025-ci il tarixinə qədər davam edəcək. Təkliflərə isə müəyyən olunmuş qrafikə uyğun olaraq komissiya tərəfindən baxılacaq.

Əlavə məlumatı AYNA-nın rəsmi saytından əldə etmək mümkündür.