Avqustun 25-də Sumqayıtda və Abşeron yarımadasında gecə və səhər bəzi yerlərdə qısamüddətli yağış yağacağı, şimşək çaxacağı ehtimalı var.
Günün ikinci yarısında isə havanın əsasən yağmursuz keçəcəyi gözlənilir.

Sumqayit.tv xəbər verir ki, Milli Hidrometeorologiya Xidmətinin məlumatına görə, havanın temperaturu Sumqayıtda gecə 25-27°, gündüz isə 32-34° isti olacaq. Mülayim şimal-qərb küləyi əsəcək.

Şəhər çimərliklərində dəniz suyunun temperaturu 26-27° isti olacaq.

Meteoroloji amillərin mülayim tərəddüdü gözlənildiyindən, hava şəraiti meteohəssas insanlar üçün əsasən əlverişli olacaq.