Azərbaycan Yerüstü Nəqliyyat Agentliyi (AYNA) 31 sayda şəhərlərarası və şəhərdaxili avtobus marşrutunu müsabiqəyə çıxarıb.

Müsabiqəyə təqdim ediləcək marşrutlar sırasında Bərdə–Sumqayıt istiqaməti də yer alır. Bu marşrut üzrə sənədlərə baxış noyabrın 7-də həyata keçiriləcək.

Agentlikdən bildirilib ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır. Sənədlərin qəbulu oktyabrın 30-u saat 17:00-dək davam edəcək.

Qeyd edək ki, bu müsabiqə yalnız Bərdə–Sumqayıt deyil, həmçinin Bakı–Göyçay, Bakı–Astara, Mingəçevir–Zaqatala və bir çox digər istiqamətləri də əhatə edir.

📌 Lotlar üzrə marşrutların qrafikləri ilə AYNA-nın rəsmi saytından tanış olmaq mümkündür.