Bu gün Azərbaycanın Milli Qəhrəmanı, qəhrəman hərbçi Əliyar Əliyevin şəhadətə ucalmasının ildönümüdür.

Sumqayit.tv xəbər verir ki, Əliyar Əliyev 1957-ci il dekabrın 14-də Qubadlı rayonunun Çaytumas kəndində anadan olub. Hələ gənc yaşlarından idmanla məşğul olub, peşəkar idmançı kimi dəfələrlə ölkəmizi layiqincə təmsil edib. 1991-ci ildən başlayaraq birbaşa döyüşlərin önündə yer alan Əliyev, igidliyi və döyüş bacarığı ilə həm silahdaşlarının, həm də xalqın qəlbində dərin iz qoyub.

O, Birinci Qarabağ müharibəsində iştirak edərək düşmən ordusuna ağır zərbələr vurub. Əliyar Əliyevin rəhbərlik etdiyi döyüşlər nəticəsində Ermənistan ordusu böyük itkilərə məruz qalıb və bu səbəbdən Ermənistan 3 gün matəm elan edib.

1992-ci ilin oktyabrında Füzuli və Cəbrayıl istiqamətlərində aparılan əməliyyatlarda xüsusi şücaət göstərib. 1992-ci il oktyabrın 3-də qəhrəmancasına şəhid olub.

Azərbaycan Respublikasının Prezidenti Heydər Əliyevin 7 dekabr 1992-ci il tarixli fərmanı ilə Əliyar Əliyevə "Milli Qəhrəman" adı verilib.

Onun xatirəsi hər zaman xalqımız tərəfindən ehtiramla yad edilir.