Dövlət əleyhinə və terrorçuluğa açıq çağırışlar etməkdə təqsirləndirilən şəxs barəsində məhkəmə hökmü Sumqayıt Ağır Cinayətlər Məhkəməsində elan olunub.

Sumqayit.tv xəbər verir ki, məhkəmə prosesi hakim Aynur Rzayevanın sədrliyi ilə keçirilib.

Hökmə əsasən, ekstremist qruplaşmanın üzvü kimi tanınan Kamran Babayev 6 il müddətinə azadlıqdan məhrum edilib.

Məlumata görə, Dövlət Təhlükəsizliyi Xidməti (DTX) tərəfindən həyata keçirilən istintaq-əməliyyat tədbirləri nəticəsində Kamran Babayev saxlanılıb.

Ona Azərbaycan Respublikası Cinayət Məcəlləsinin 281.2-ci (dövlət əleyhinə yönələn açıq çağırışlar, bir qrup şəxs tərəfindən törədildikdə) və 214-2-ci (terrorçuluğa açıq çağırışlar) maddələri ilə ittiham irəli sürülüb. 

29-10-2025, 16:14 103