Tanınmış aparıcı Mətanət Əliverdiyeva Saray qəsəbəsində yolların işıqlandırılmamasından narazılığını bildirib.

Sumqayit.tv xəbər verir ki, aparıcı bu barədə “Xəzər axşamı” verilişində danışıb. O qeyd edib ki, Saray qəsəbəsinin Heydər Əliyev küçəsində işıq dirəkləri olsa da, axşam saatlarında həmin yolda işıqlar yanmır.

“İki gün əvvəl Bakıdan Saray istiqamətinə gedəndə dedim ki, bir daha bu yoldan istifadə etməyəcəyəm. Hər an təhlükəlidir. Dirəklər qoyublar, amma işıqlar yanmır. Maraqlandım, dedilər ki, həmin ərazi Sumqayıt Elektrik Şəbəkəsinə aid deyil, Abşeron Enerji Təchizatı idarəsinə baxır.
Hər həftə orada qəza olur. İşıq dirəkləri var, amma bir dənə də işıq yanmır. Belə olmaz axı...” – deyə Mətanət Əliverdiyeva bildirib.

Aparıcı əlavə edib ki, yağışlı hava zamanı həmin ərazidə vəziyyət daha da ağırlaşır və sürücülər tez-tez qəza təhlükəsi ilə üzləşirlər.

Sakinlər isə ümid edirlər ki, məsələ ilə bağlı müvafiq qurumlar tədbir görəcək və Saray-Sumqayıt yolu normal işıqlandırılacaq./Axşam.az

4-11-2025, 16:00 66