Sumqayıtda Zəfər Gününün beşilliyi münasibətilə təntənəli yürüş təşkil olunub.

Sumqayit.tv xəbər verir ki, yürüş Müdafiə Nazirliyinin cari il üçün planına əsasən, Bakı, Naxçıvan, Xankəndi, Şuşa və Laçınla yanaşı Sumqayıt şəhərinin mərkəzi küçə və prospektlərində də həyata keçirilib.

Tədbir Ulu Öndər Heydər Əliyevin və Vətən uğrunda canlarını fəda etmiş şəhidlərin xatirəsinin bir dəqiqəlik sükutla yad olunması ilə başlayıb. Daha sonra Azərbaycan Respublikasının Dövlət Himni ifa edilib.

Yürüş hərbi orkestrlərin müşayiəti ilə baş tutub. Orkestrin ifasında səslənən vətənpərvərlik mahnıları və marşlar şəhər sakinləri tərəfindən böyük maraq və coşqu ilə qarşılanıb.

Vətəndaşlar yürüş iştirakçılarını alqışlarla qarşılayıb, Zəfər Gününün Azərbaycan xalqı üçün tarixi qürur və birliy rəmzi olduğunu qeyd ediblər.

Müdafiə Nazirliyinin məlumatına görə, bu cür tədbirlər ölkənin bütün regionlarında Zəfər ruhunun yaşadılması və gənc nəsildə vətənpərvərlik hisslərinin möhkəmləndirilməsi məqsədi daşıyır.

Qeyd: Zəfər Günü – 8 noyabr 2020-ci ildə Azərbaycanın 44 günlük Vətən müharibəsində əldə etdiyi tarixi qələbənin simvoludur. Bu gün Azərbaycan Ordusunun gücü və xalqın birliyi ilə işğal altındakı torpaqların azad edilməsinin rəmzi kimi qeyd olunur.

Bu gün, 13:52 6