Azərbaycanda in­yeksion narkotik istifadəçiləri arasında İİV-ə (AİDS) yeni yoluxma hallarının azalması qeydə alınıb. Bu barədə məlumatı QİÇS-lə Mübarizə Mərkəzi açıqlayıb.

Sumqayit.tv xəbər verir ki, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının hesabatında bildirilir ki, bu ilin oktyabr ayının sonuna kimi aşkarlanan yeni İİV yoluxmalarının cəmi 4,7%-i (50 nəfər) in­yeksion narkotik istifadəçilərinin payına düşüb.

Daxili İşlər Nazirliyi tərəfindən narkotik istifadəsinin müəyyənləşdirilməsi üçün 10 ay ərzində 80 min 786 nəfər Respublika Narkoloji Mərkəzinə yönləndirilib. Onlardan 4 756 nəfər tibbi müayinədən keçirilib və 2 514 nəfərin narkotik istifadəçisi olduğu aşkarlanıb. Əlavə tədbirlər görülüb.

Hazırda metadonla əvəzedici müalicə proqramı üzrə ölkədə fəaliyyət göstərən 3 mərkəzdən biri Sumqayıt Narkoloji Mərkəzidir. Burada 126 nəfər xəstə rəsmi şəkildə müalicə alır.

Bu göstəricilər həm ölkə üzrə, həm də Sumqayıt regionunda risk qrupunda yoluxma dinamikasının azaldığını göstərir.

19-11-2025, 15:44 77