Energetika naziri Pərviz Şahbazov Xızı rayon Heydər Əliyev Mərkəzində vətəndaşlarla görüş keçirib.
Sumqayit.tv xəbər verir ki, Energetika naziri Pərviz Şahbazov Xızı rayon Heydər Əliyev Mərkəzində vətəndaşlarla görüş keçirib.
Görüşdə Bakı və Sumqayıt şəhərləri, həmçinin Xızı və Abşeron rayonlarından olan ümumilikdə 27 vətəndaşın müraciətləri dinlənilib. Müraciətlər qaz təchizatı, kəndlərin qazlaşdırılması, qaz sayğaclarının quraşdırılması, elektrik enerjisi təminatı, küçə işıqlandırılması, elektrik dirəklərinin vəziyyəti, xətlərin çəkilişi və işlə təminat kimi mövzuları əhatə edib.
Nazir vətəndaşların qaldırdığı məsələlərin normativ-hüquqi aktlara uyğun şəkildə araşdırılması və operativ həlli üçün aidiyyəti qurumlara tapşırıqlar verib.
Energetika Nazirliyinin məlumatına görə, qəbulda qurumun struktur bölmə rəhbərləri də iştirak ediblər.
28-11-2025, 23:34
56
