Dünya Azərbaycanlılarının Həmrəyliyi Günü və Yeni il bayramı münasibətilə Sumqayıtda ünvanlı sosial yardım alan ailələrə 200 manat birdəfəlik maddi yardım ödənilib.

Sumqayit.tv xəbər verir ki,Prezident İlham Əliyevin Sərəncamına əsasən, Sumqayıt şəhərində ünvanlı sosial yardım alan ailələrin hər birinin hesabına 30 dekabr tarixində 200 manat məbləğində birdəfəlik maddi yardım köçürülüb. Ödənişlər Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən təmin edilib.

Qeyd edək ki, bundan əvvəl dekabrın 10-da Bakı və Sumqayıt şəhərləri üzrə dekabr ayının pensiyalarının ödənişi, dekabrın 25-də isə müavinət, təqaüd və ünvanlı sosial yardımların ödənişi tam şəkildə həyata keçirilib. Dekabr ayı üzrə bütün sosial ödənişlər başa çatdırılıb.

30-12-2025, 16:10 27