Məktəblilərin yolu palçıqdan keçir: Sumqayıtda acınacaqlı vəziyyət - FOTO
Sumqayıt şəhəri Xəzər Bağları yaşayış massivində yerləşən Suqovuşan küçəsində yolun vəziyyəti sakinləri ciddi narahat edir. Küçə uzun müddətdir ki, baxımsız vəziyyətdədir və xüsusilə yağışlı havalarda tamamilə palçığa çevrilir.
Sumqayit.tv xəbər verir ki, sakinlərin Xeberle.com-abildirdiyinə görə, mövcud vəziyyət gündəlik həyatı çətinləşdirməklə yanaşı, məktəblilər üçün də təhlükə yaradır. Uşaqlar palçıq və gölməçələr səbəbindən yolu keçməkdə çətinlik çəkir, bəzən isə məktəbə getmək mümkün olmur.
Qeyd olunur ki, dəfələrlə aidiyyəti qurumlara müraciət edilsə də, problem hələ də öz həllini tapmayıb. Sakinlər küçənin təmir olunmasını və təhlükəsiz hərəkət üçün şərait yaradılmasını tələb edirlər.
28-01-2026, 22:49
50
