Sumqayıt şəhərində vətəndaş müraciətlərinin dinlənilməsi məqsədilə növbəti səyyar qəbul təşkil olunub.

Sumqayit.tv xəbər verir ki, qəbul Zakir Fərəcovun iştirakı ilə keçirilib. Görüşdə aidiyyəti idarə və təşkilatların nümayəndələri, şəhid ailələrinin üzvləri, qazilər və şəhər sakinləri iştirak ediblər.

Səyyar qəbul zamanı vətəndaşlar fərdi qaydada dinlənilib, onların müraciət və təklifləri qeydə alınıb. Görüşdə əsasən sosial məsələlər, mənzil-məişət problemləri, məşğulluq və şəhər təsərrüfatı ilə bağlı müraciətlər səsləndirilib. Bəzi məsələlərin yerində araşdırıldığı, digərlərinin isə baxılması üçün aidiyyəti qurumlara yönləndirildiyi bildirilib.

Qeyd olunub ki, əlavə araşdırma tələb edən müraciətlər nəzarətə götürülüb və müvafiq qurumlara tapşırıqlar verilib.

Məlumata görə, Sumqayıt şəhərində sakinlərlə birbaşa ünsiyyətin təmin olunması məqsədilə səyyar qəbulların keçirilməsi davam etdirilir.

13-03-2026, 17:15 122