Sumqayıt şəhərinin Corat qəsəbəsində vətəndaş qəbulu keçirilib.
Sumqayit.tv xəbər verir ki, 44 saylı Sumqayıt üçüncü seçki dairəsindən deputat Zaur Şükürov Corat qəsəbəsində yerləşən bələdiyyə binasında sakinlərlə görüşüb.
Qəbul zamanı vətəndaşların fərdi müraciətləri dinlənilib, həmçinin qəsəbənin infrastrukturu ilə bağlı qaldırılan məsələlər qeydə alınaraq qanunvericiliyə uyğun şəkildə aidiyyəti qurumlara yönləndirilməsi üçün qeydiyyata götürülüb.
Görüşdən sonra deputat qəsəbədə həyata keçirilən bir sıra işlərlə də yerində tanış olub. Bildirilib ki, edilən müraciətlər əsasında Corat qəsəbəsində kanalizasiya xətlərinin yenidən qurulması ilə bağlı Azərbaycan Dövlət Su Ehtiyatları Agentliyi tərəfindən müvafiq işlərə başlanılıb.
Bundan əlavə, qəsəbə ərazisində yerləşən və XVI–XVII əsrlərə aid olduğu ehtimal edilən hamamların daşınmaz tarix və mədəniyyət abidələrinin siyahısına daxil edilməsi istiqamətində də tədbirlər görülür. Qeyd olunub ki, bu məqsədlə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən müvafiq prosedurlar həyata keçirilir.
Deputat görülən işlərlə bağlı ərazilərə baxış keçirib və prosesin gedişi ilə maraqlanıb.
16-03-2026, 18:47
35
