Hazırda metadonla əvəzedici müalicə proqramı üzrə ölkə üzrə fəaliyyət göstərən 3 məntəqədə ümumilikdə 707 nəfər müalicə alır.
Sumqayit.tv xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının hesabatında bildirilib.

Hesabata əsasən, müalicə alan şəxslərdən 284 nəfər Respublika Narkoloji Mərkəzində, 300 nəfər QİÇS-lə Mübarizə Mərkəzində, 123 nəfər isə Sumqayıt Narkoloji Mərkəzində qeydiyyatdadır.

Məlumatda qeyd olunub ki, 2026-cı ilin yanvar–fevral ayları ərzində fəaliyyət göstərən “802” qaynar xətt telefon xidmətinə ümumilikdə 120 vətəndaş müraciəti daxil olub.

Müraciətlərin 13-ü narkotik vasitələrin qanunsuz dövriyyəsi, 12-si narkotik asılılıqdan müalicə, 95-i isə digər məsələlərlə bağlı olub.

Daxil olan müraciətlər üzrə müvafiq tədbirlərin görülməsi məqsədilə aidiyyəti qurumlara 25 məktub ünvanlanıb.

18-03-2026, 11:37 62