Daxili İşlər Nazirliyinin Baş Dövlət Yol Polisi İdarəsi gözlənilən dumanlı hava şəraiti ilə əlaqədar xəbərdarlıq edib.

Sumqayit.tv xəbər verir ki, dumanlı hava səbəbindən yollarda görünüş məsafəsi 500–1000 metrədək məhdudlaşacaq.

İdarənin müraciətində vurğulanır ki, duman sürücülərin görünüş dairəsini əhəmiyyətli dərəcədə məhdudlaşdırır ki, bu da yol-nəqliyyat hadisələrinin, o cümlədən zəncirvari toqquşmaların baş vermə riskini artırır.

Baş Dövlət Yol Polisi İdarəsi xüsusilə bayram tətili günlərində bölgələrə və turizm məkanlarına üz tutan sürücülərə tövsiyə edir:

• Dumanlı və çiskin havalarda sürət həddini minimuma endirin
• Ara məsafəsini artırın
• Xarici işıq cihazlarının sazlığından əmin olun
• Ötmə, manevr, dayanma və parklanma zamanı təhlükəsizlik qaydalarına ciddi əməl edin

Bu tövsiyələr sürücülərin təhlükəsizliyinin təmin olunması və yol qəzalarının qarşısının alınması məqsədi daşıyır.

24-03-2026, 13:28 12