2026-cı ilin istehsalat təqviminə əsasən, may ayında Azərbaycanda qeyri-iş günlərinin sayı kifayət qədər çox olacaq.

Sumqayit.tv xəbər verir ki, 9 May – Faşizm üzərində Qələbə Günü şənbə gününə təsadüf etdiyindən, Əmək Məcəlləsinə uyğun olaraq 11 may (bazar ertəsi) də qeyri-iş günü elan ediləcək. Bununla da 9, 10 və 11 may tarixləri ardıcıl istirahət günləri olacaq.

Bundan əlavə, may ayında Qurban bayramı ilə 28 May – Müstəqillik Günü üst-üstə düşür. Qanunvericiliyə əsasən, bu halda əlavə istirahət günü verilir. Nəticədə 27, 28, 29 may tarixləri, eləcə də 30 və 31 may (şənbə-bazar) qeyri-iş günləri olacaq.

Beləliklə, may ayında şənbə və bazar günləri də daxil olmaqla ümumilikdə 14 gün qeyri-iş günü nəzərdə tutulur.

Qeyd edək ki, Azərbaycanda növbəti iş günü 1 iyun tarixidir.

31-03-2026, 20:18 74