Milli Hidrometeorologiya Xidmətinin məlumatına görə, 20 aprel tarixində Azərbaycanda hava şəraiti qeyri-sabit keçəcək.
Sumqayit.tv xəbər verir ki, Bakıda və Abşeron yarımadasında bəzi yerlərdə arabir yağış yağacaq. Ayrı-ayrı ərazilərdə yağıntının intensivləşməsi və şimşək çaxması ehtimal olunur. Səhər saatlarında yağışın qısa müddətə güclənəcəyi, günün ikinci yarısında isə fasilə verəcəyi bildirilir. Şimal-qərb küləyi arabir güclənəcək.
Rayonlarda da hava əsasən yağıntılı olacaq. Bəzi bölgələrdə yağıntının intensivləşməsi, şimşək, dolu və dağlıq ərazilərdə qar yağması ehtimalı var. Bəzi yerlərdə duman müşahidə edilə bilər. Mülayim qərb küləyi ayrı-ayrı ərazilərdə güclənəcək.
Havanın temperaturu Bakıda və Abşeronda gecə 10–13°C, gündüz 14–17°C olacaq. Rayonlarda gecə 8–11°C, gündüz 14–18°C, dağlıq ərazilərdə isə gecə 2–7°C, gündüz 8–13°C isti olacaq.
Sumqayıt şəhərində gün ərzində dəyişkən və yağıntılı hava şəraiti gözlənilir. Arabir yağış və güclənən külək ehtimalı var. Sakinlərin xüsusilə səhər və axşam saatlarında ehtiyatlı olmaları tövsiyə edilir.
20-04-2026, 08:00
349
