Sumqayıt şəhərinin Hacı Zeynalabdin qəsəbəsində dəm qazından zəhərlənən uşaqlardan sonuncusu da xəstəxanadan evə buraxılıb.

Sumqayit.tv xəbər verir ki, bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, vəziyyəti qənaətbəxş qiymətləndirilən azyaşlı aprelin 18-də ambulator müalicə üçün evə buraxılıb.

Qeyd olunub ki, həmin uşaq 4 aprel 2026-cı il tarixində Sumqayıt Tibb Mərkəzinin nəzdində fəaliyyət göstərən Uşaq Xəstəxanasından Respublika Pediatriya Mərkəzinin nəzdindəki Ə.F.Qarayev adına Uşaq Klinik Xəstəxanasına təxliyə olunmuşdu.

2018-ci il təvəllüdlü qız uşağına meninqoensefalit diaqnozu təyin edildiyi və ona zəruri tibbi yardım göstərildiyi bildirilib.

Xatırladaq ki, aprelin 1-də Sumqayıt şəhəri Hacı Zeynalabdin qəsəbəsində bir ailənin 6 azyaşlı üzvü hamamda dəm qazından zəhərlənmişdi. Uşaqlar xəstəxanaya yerləşdirilsə də, onlardan birinin həyatını xilas etmək mümkün olmamışdı.

Hazırda digər uşaqların da vəziyyətinin stabilləşdiyi qeyd olunur.

Bu gün, 18:06 9