Aprelin sonundan may ayının ortalarına qədər “Eta Aquarid” meteor yağışı müşahidə olunacaq.

Sumqayit.tv xəbər verir ki, bu barədə Bakı Dövlət Universitetinin Fizika fakültəsinin Astrofizika kafedrası məlumat yayıb.

Bildirilib ki, meteor yağışının maksimum aktivliyi 5-6 may tarixlərinə təsadüf edəcək.

Qeyd olunub ki, meteorlar təxminən 66 km/saat sürətlə Yer atmosferinə daxil olur və yüksək sürət səbəbindən səma boyunca uzun, parlaq izlər buraxır. Dolça (Aquarius) bürcü istiqamətindən gəlirmiş kimi göründüyünə görə bu meteor yağışı “Eta Aquarid” adlandırılır.

Məlumata əsasən, Bakı şəhərindən meteor yağışının müşahidəsi mümkündür. Sumqayıt və paytaxt demək olar ki, eyni enlikdə yerləşdiyi üçün bu səma hadisəsini Sumqayıtda da izləmək mümkün olacaq.

Bununla yanaşı, şəhər işıqlandırması və hava şəraiti müşahidəyə müəyyən təsir göstərə bilər. Mütəxəssislər bildirirlər ki, daha qaranlıq ərazilərdə və əlverişli hava şəraitində səhərə yaxın saatlarda müşahidə aparmaq daha məqsədəuyğundur.

Qeyd edək ki, 02:16-dan 05:01-dək olan saatlarda səmanı izləməklə saatda 10-20 meteor görmək mümkündür.

Bu gün, 20:47 8