Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) bir sıra şəhərlərarası və şəhərdaxili avtobus marşrutları üzrə keçirilən müsabiqələrin nəticələrini açıqlayıb.

AYNA-nın yaydığı məlumata görə, Sumqayıt-İsmayıllı şəhərlərarası avtobus marşrutu üzrə müsabiqənin qalibi fiziki şəxs Abbasov Hüseyn Əliabbas oğlu olub.

Qeyd edək ki, müsabiqələr sərnişindaşıma sahəsində xidmət keyfiyyətinin yüksəldilməsi, təhlükəsizliyin artırılması və marşrutların təhkim edilməsində şəffaflığın təmin olunması məqsədilə keçirilir.

Marşrut xətləri mövcud qanunvericiliyin tələblərinə uyğun olaraq AYNA tərəfindən mərhələli şəkildə müsabiqəyə çıxarılır.

Yeni daşıyıcının fəaliyyəti nəticəsində Sumqayıt-İsmayıllı istiqamətində sərnişinlərə daha keyfiyyətli və rahat xidmət göstərilməsi gözlənilir.

Bu gün, 12:40 12