Ümumdünya Şəhərsalma Forumunun 13-cü Sessiyasında (WUF13) iştirak etmək məqsədilə Azərbaycanda səfərdə olan Bolqarıstan Prezidenti İliyana Yotovanın nümayəndə heyəti Sumqayıt Sənaye Parkını ziyarət edib.

Sumqayit.tv xəbər verir ki, qonaqlara İqtisadiyyat Nazirliyinin tabeliyində fəaliyyət göstərən İqtisadi Zonaların İnkişafı Agentliyinin idarəçiliyində olan sənaye parkında yaradılmış infrastruktur və istehsal imkanları barədə ətraflı məlumat verilib.

İqtisadiyyat nazirinin müavini Azər Bayramov və İZİA-nın İdarə Heyətinin sədri Seymur Adıgözəlov tərəfindən bildirilib ki, sənaye zonalarında sahibkarlar üçün əlverişli investisiya mühiti yaradılıb, rezidentlər dövlət hesabına hazır infrastruktur, həmçinin vergi və gömrük güzəştləri ilə təmin olunurlar.

Qeyd olunub ki, sənaye parklarında istehsal olunan məhsullar həm daxili bazara, həm də müxtəlif xarici ölkələrə ixrac edilir.

Səfər çərçivəsində nümayəndə heyəti Sumqayıt Sənaye Parkının rezidenti olan “Caspian Lubricants” MMC-də də olub. Bildirilib ki, müəssisənin təsisçiləri sırasında Bolqarıstan investorları da yer alır.

Qonaqlara müəssisədə istehsal prosesi, tətbiq olunan texnologiyalar və məhsul çeşidləri barədə məlumat təqdim olunub. // Report.az

20-05-2026, 20:41 164