Bakı–Sumqayıt avtomobil yolunda kanalizasiya lüklərinin qapaqlarının olmaması və ya yararsız vəziyyətdə olması sürücülərin ciddi narazılığına səbəb olub.

Sumqayit.tv xəbər verir ki, bəzi lüklərin qapaqları ümumiyyətlə yoxdur, bəziləri isə taxta və təkər parçaları ilə örtülüb. Eyni zamanda, bir sıra lüklərin dəmir barmaqlıqları qırılıb və ya tamamilə yoxa çıxıb.

Sürücülər bildirirlər ki, mövcud vəziyyət hərəkət iştirakçıları üçün təhlükə yaradır, eyni zamanda avtomobillərə maddi ziyan vurur.

"Vəziyyət pisdir. Maşınlarımız dağılır. Qazancımızı ustalara verməli oluruq," – deyə sürücülər narazılıqlarını ifadə ediblər.

Məsələ ilə bağlı aidiyyəti qurumların mövqeyi hələlik açıqlanmayıb.

Ətraflı Xəzər Xəbərin hazırladığı videomaterialda:

Bu gün, 11:47 10