Böyük Britaniyanın "Economist Intelligence Unit" (EIU) analitik mərkəzi dünyanın yaşamaq üçün ən rahat şəhərlərinin 2026-cı il üzrə illik reytinqini açıqlayıb.

Sumqayit.tv Oxu.Az-a və CNN-ə istinadən xəbər verir ki, siyahıya ikinci il ardıcıl olaraq Danimarkanın paytaxtı Kopenhagen başçılıq edib.

Reytinq şəhərlərdə səhiyyə, təhsil, mədəniyyət, ətraf mühit, infrastruktur və sabitlik kimi göstəricilər əsasında hazırlanıb. Eyni zamanda, insanların gündəlik həyatda qarşılaşa biləcəyi çətinliklər də qiymətləndirilib.

Məlumata görə, Kopenhagen inkişaf etmiş infrastruktur, yüksək həyat keyfiyyəti və dövlət xidmətlərinin səmərəliliyi sayəsində birinci yerdə qərarlaşıb. İkinci pillədə Avstriyanın paytaxtı Vyana yer alıb. Ötən il Vyana bu mövqeyi İsveçrənin Sürix şəhəri ilə bölüşsə də, bu il Sürix üç pillə geriləyib.

İlk onluqda, həmçinin Melburn, Sidney, Cenevrə, Osaka, Adelaida, Vankuver və Tokio şəhərləri yer alıb.

EIU-nun hesabatında qeyd olunub ki, dünyada həyat keyfiyyətinin orta göstəricisi ötən illə müqayisədə dəyişməyib.

8-07-2026, 11:42 29