Son günlər Sumqayıt şəhərində apteklərlə bağlı olan şikayətlər bir-birini əvəz edir. Sumqayit.tv-nin redaksiyasına müraciət edən, adının çəkilməsini istəməyən vətəndaş aptekdə qarşılaşdığı problemlə bağlı öz fikirlərini, daha doğrusu, əsəbini belə ifadə edib:

"Sumqayıt şəhəri 13-cü mkr, Fəxri aptekdən dərman alarkən kassada fiksal çek tələb etdim. Satıcı cavab verir ki, dekabrın 1-dən sonra işləyəcək. Adama deyərlər heç dəxli var? Bir çox vətəndaşlar utanır, 1-2 manata görə girib istəmir. Bu elə birbaşa çekdən çıxsa, daha yaxşı olar. Vətəndaşlara belə zülm etmək olmaz. Aidiyyatı qurumlar bu yöndə tədbir görsə, yaxşı olar".