IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə həyata keçirilən “Yaşıl Marafon” kampaniyası çərçivəsində ölkə ərazisinin meşə və qeyri-meşə fondu torpaqlarında ağacəkmə tədbirləri davam edir.

Sumqayit.tv xəbər verir ki, ölkə üzrə 30 noyabr 2021-ci il tarixində keçirilən payız ağacəkmə tədbirləri zamanı ümumilikdə 16,1 hektar ərazidə 11 742 ədəd müxtəlif cinsli ağac əkilib, 400 kiloqram toxum səpilib.

Belə ki, Xocasən gölünün sol sahilində 1 ha 600 ədəd ağac, Zaqatala rayonu üzrə 0,7 ha ərazidə 830 ədəd ağac, Şəki rayonu üzrə 3 ha ərazidə 468 ədəd ağac, Ismayıllı rayonu üzrə 1 ha ərazidə 833 ədəd ağac, Sabirabad rayonu üzrə 1 ha ərazidə 1250 ədəd ağac, Xaçmaz rayonu üzrə 3 ha ərazidə 3000 ədəd ağac, Şabran rayonu üzrə 1 ha ərazidə 1250 ədəd ağac, Masallı rayonu üzrə 2,4 ha ərazidə 400 kiloqram toxum, Daşkəsən rayonu üzrə 2 ha ərazidə 2400 ədəd ağac, Astara rayonu üzrə 1 ha ərazidə 1111 ədəd ağac əkilib.

Qeyd edək ki, payız ağac əkini ilə bağlı məlumatlar mütəmadi olaraq ictimaiyyətə təqdim olunacaq.