Gənc Beynəlxalq Hüquqşünaslar İctimai Birliyi Azərbaycan Respublikasının Gənclər Fondunun maliyyə dəstəyi ilə “Erməni vəhşiliklərinin ifşası” adlı  layihənin təqdimatına başlayıb.

Sumqayit.tv xəbər verir ki, Layihənin ilk təqdimatı  Bakı şəhərində 13 dekabr saat 14:00 tarixində Azərbaycan Dillər Universitetinin əsas binasında baş tutub.  Qeyd edək ki, layihənin təqdimat mərasimində gənclərlə yanaşı Azərbaycan Respublikasının Milli Məclisinin deputatları Tamam Cəfərova, Naqif Həmzəyev, Müşfiq Cəfərov, həmçinin, Azərbaycan Respublikası Gənclər Fondunun nümayəndəsi Rəhimov Rəhim, Davam Gənclər Hərəkatının baş katibi Nigar Aslanova və digər  QHT nümayəndələri iştirak edib.   Xatırladaq ki, bu layihənin əsas məqsədi ermənilərin  törətdiyi  vəhşilikləri faktlar əsasında bütün dünyanın diqqətinə çatdırmaq, erməni faşizminin nə qədər  qorxunc, nə qədər anti-insani mahiyyət daşıdığına bütün bəşəriyyəti inandırmaqdır. Təqdimatın sonunda  “Erməni vəhşiliklərinin ifşası” adlı  kitab qonaqlara paylanmışdır