FHN-in Dövlət Yanğın Nəzarəti Xidməti Bakı şəhərinin Sabunçu və Xəzər rayonlarında yerləşən bir sıra ticarət obyektlərində yanğına qarşı maarifləndirmə tədbirləri keçirib.

Tədbirlərdə ticarət obyektlərində yanğın təhlükəsizliyinə dair tələblər barədə ətraflı məlumat verilib, yanğın zamanı zəruri davranış qaydaları haqqında söhbət aparılıb.
Tədbirlərdə, həmçinin, ticarət obyektlərinin ərazisinin daim təmiz vəziyyətdə saxlanılmasının, normativ sənədlərə uyğun ilkin yanğınsöndürmə vasitələri ilə təmin olunmasının, yanğın zamanı təxliyə planının müvafiq yerlərdən asılmasının vacibliyi diqqətə çatdırılıb, ilkin yanğınsöndürmə vasitələrindən istifadə qaydaları əyani nümayiş etdirilib.
Sonda iştirakçıların sualları cavablandırılıb, müzakirələr aparılıb.