Dekabrın 22-də Lütfi Zadə adına beynəlxalq olimpiadanın riyaziyyat fənni üzrə yarış mərhələsi keçirilir.

20 ölkədən təxminən 100-ə yaxın şagirdin riyaziyyat fənni üzrə qatıldığı olimpiadada iştirakçılara 4 tapşırıq və onların həlli üçün 4 saat 30 dəqiqə vaxt ayrılıb.

İmtahan bitdikdən sonra iştirakçıların yazı işləri yerli və əcnəbi mütəxəssislərdən ibarət münsiflər heyətinə təqdim ediləcək.

Təşkilat komitəsi tərəfindən olimpiadanın gedişini canlı izləmək məqsədi ilə müşahidə məntəqəsi yaradılıb.

Dekabrın 23-də isə 20 ölkədən olan digər iştirakçılar informatika fənni üzrə olimpiadaya qatılacaqlar.

Qeyd edək ki, dünya şöhrətli Azərbaycanlı alim, qeyri-səlis məntiq nəzəriyyəsinin banisi Lütfi Zadə adına Beynəlxalq Olimpiadaya Azərbaycan evsahibliyi edir.