Azərbaycan Respublikasının Qida Təhlükəsizliyi Agentliyi (AQTA) pandemiya dövrünün tələblərinə, bu sahədə müvafiq qanunvericiliyin icrasına, həmçinin yeni növ koronavirusun (COVID-19) profilaktikasına dair Nazirlər Kabinetinin Qərarı ilə təsdiq edilmiş metodiki göstərişlərin icrasına nəzarət məqsədilə ictimai iaşə obyektlərində reydləri davam etdirir.

Sumqayit.tv xəbər verir ki, nəzarət tədbirləri çərçivəsində 2021-ci il dekabrın 26-da ölkə üzrə 396 ictimai iaşə obyektində 697 monitorinq keçirilib. Monitorinqlər zamanı 4 müəssisədə qanunvericiliyin tələblərinin kobud şəkildə pozulması faktları aşkar olunub. Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.

Pozuntular aşkar edilmiş ictimai iaşə müəssisələri aşağıdakılardır:
1. Bakı şəhəri, Səbail ‎rayonu, Xəqani küç., ev 22 ünvanında yerləşən, fiziki şəxs Zeynalov Xəyal Murad oğluna məxsus “Nori suşi” restoranı;
2. Bakı şəhəri, Binəqədi‎ ‎rayonu, Atatürk pr., ev 182m ünvanında yerləşən, fiziki şəxs Mirzəyev Nazim Qədir oğluna məxsus kafe;
3. Bakı şəhəri, Səbail ‎rayonu, Əziz Əliyev küçəsi 11a ünvanında yerləşən, hüquqi şəxs "Qonaq Hospitality Group" MMC-yə məxsus “Cubar” kafesi;
4. Bakı şəhəri, Nəsimi‎ rayonu, 3 mkr., Cavadxan küçəsində yerləşən, fiziki şəxs Mədinəyeva Mətanətə məxsus restoran.
Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcəkdir.