Sumqayıtda Dünya və Avropa çempionu, XXVIII Afina Yay Olimpiya Oyunlarının iştirakçısı, Azərbaycan Taekvondo Federasiyasının vitse-prezidenti Niyaməddin Paşayevlə görüş keçiriləcək. 

Sumqayit.tv xəbər verir ki, bu barədə Sumqayıt şəhər Gənclər və İdman Baş İdarəsi məlumat yayıb. 
"Çempionumuz" layihəsi çərçivəsində keçiriləcək görüş Sumqayıt şəhər 1 nömrəli tam orta məktəbdə baş tutacaq. Yanvarın 19-u saat 12-də keçirilməsi nəzərdə tutulan görüşdə iştirak edib çempiona suallar ünvanlaya və həmsöhbət ola bilərsiniz.