Son günlər orta məktəblərdə yaşanan şagird və müəllim münasibətləri insanları çox narahat edir. Müxtəlif səpgili, xoşagəlməz videolar tədris ocaqlarında müəyyən islahatların aparılmasını zəruri edir. Bu haqda təhsil məsələləri üzrə ekspert Elçin Əfəndi çox diqqətəlayiq fikirlərlə diqqət çəkib. O aşağıdakı bəndləri yazmaqla problemdən çıxış yolunu göstərib. 

Təcili və təxirəsalınmaz tədbir kimi ilk növbədə:

1. Ölkədə TikTok istifadəsi məhdudlaşdırılmalıdır.

2. Məktəblərdə DİN əməkdaşları olmalıdır.

3. Müəllimlərin əmək haqları artırılmalıdır ki, nəticə etibarilə məktəbdən didərgin düşən kişi müəllimləri məktəbə qayıtsın.

4. Şagirdlərdən bütün telefonlar yığılmalıdır.

5. Hər bir auditoriyada kamera quraşdırılmalıdır.

6. Hər bir məktəbdə xüsusi nəzarət komissiyası (disiplin) yaradılmalıdır.