"Gələcəkdə "Teknofest Azərbaycan” festivalı Şuşada və işğaldan azad olunan digər ərazilərdə keçirilə bilər".

Bu haqda rəqəmsal inkişaf və nəqliyyat naziri Rəşad Nəbiyev bildirib.
O qeyd edib ki, bu il festival iki müstəvidə keçiriləcək: "Tədbir fiziki olaraq Bakı şəhərində keçiriləcək, virtaul olaraq dünyanən müxtəlif yerlərindən bu yarışmaya qatılmaq olacaq. Gələcək illərdə Qarabağın bütün bölgələrində, o cümlədən Şuşada da keçirilə bilər”.

"TEKNOFEST” Müşahidə Şurasının sədri, Türkiyənin Texnologiya Komandası Vəqfinin ("T3 Vakf"ı) rəhbəri Səlcuq Bayraqdar isə deyib ki, tədbirin Şuşada keçirilməsində maraqlıdırlar.

"Bundan başqa, festival çərçivəsində baş tutan müsabiqələrin də bir qismi Qarabağda təşkil oluna bilər”, - deyə o, əlavə edib.

Qeyd edək ki, bu ilin 26 – 29 may tarixlərində ilk dəfə olaraq Azərbaycanda Rəqəmsal İnkişaf və Nəqliyyat Nazirliyinin təşkilatçılığı ilə baş tutacaq "TEKNOFEST Azərbaycan” Aerokosmik və Texnologiya Festivalı keçiriləcək.