Samux Rayon Polis Şöbəsinin əməkdaşları tərəfindən rayon ərazisindəki parkların birindən silah-sursat aşkarlayıb.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, polis əməkdaşları dərhal ANAMA-nın əməkdaşlarını həmin əraziyə dəvət edərək müvafiq tədbirlər həyata keçirib.
Araşdırmalar zamanı oradan bir ədəd “F1” əl qumbarası, iki ədəd “UZRQM” qumbaraatan mərmisi, bir ədəd 14 mm-lik “BTR” patronu, 37 ədəd 7,62 mm-lik avtomat patronu və 96 ədəd 5,45 mm-lik avtomat patronları aşkar edilərək götürülüb.
Faktla bağlı araşdırmalar davam etdirilir.