Azərbaycan Respublikasının Qida Təhlükəsizliyi Agentliyi (AQTA) ölkədə heyvan kəsiminin müasir tələblərə uyğunlaşdırılması, müasir kəsimi məntəqələrinin təşkil olunması və qanunsuz heyvan kəsimi fəaliyyətinin qarşısının alınması istiqamətində nəzarət tədbirlərini davam etdirir.

Nəzarət tədbirləri çərçivəsində Agentlik müfəttişləri tərəfindən Binəqədi Rayon İcra Hakimiyyətinin və Rayon Polis İdarəsinin əməkdaşları ilə birgə keçirilən reydlər zamanı Bakı şəhəri, Binəqədi rayonu, Gülməmməd Ramazanov küçəsində fiziki şəxslər Tağıyev Mahir Balaəmi oğluna, Cəfərov Yavər Məmməd oğluna, Hüseynov Eldəniz Musa oğluna, Kərimov Etibar İsmayıl oğluna, Əhmədov Güloğlan Adışirin oğluna, Cəfərov Fərid İsmət oğluna; Binəqədi qəsəbəsi, 3-cü Mədən küç., 120-ci korpus, ev 5 ünvanında fiziki şəxs Təhməzov Elbrus Fazil oğluna; Binəqədi rayonu, “Gülüstan” yaşayış massivində fiziki şəxs Rəncbərli Bəxtiyar İxtiyar oğluna; Binəqədi qəsəbəsi, Orxan Cabbarov küçəsində fiziki şəxs Rüstəmov Abbas Ədalət oğluna; Binəqədi qəsəbəsi, 3-cü Mədən küçəsində fiziki şəxs İsayev Ramin Ələkbər oğluna; Binəqədi qəsəbəsi “DSK yolu” adlanan küçədə fiziki şəxs Cəfərov Zöhrab Saleh oğluna; Binəqədi qəsəbəsi 1-ci Mədən küç., 44-cü korpus ünvanında fiziki şəxs Əliaslanov Emil Siracəddin oğluna; Binəqədi qəsəbəsi, Binəqədi-Mehdiabad dairəvi yolunda fiziki şəxslər Quliyev Famil Mürsəl oğluna, Əhmədov İlkin Tahir oğluna; Binəqədi qəsəbəsi, 1-ci Mədən küç., 9-cu korpus ünvanında Məmmədov Munis Məcid oğluna; Binəqədi qəsəbəsi, yeni yaşayış massivində Əliyev Elnur Heydər oğluna məxsus məntəqələrdə qanunsuz heyvan kəsimi və ət satışının həyata keçirildiyi aşkar edilib. Faktla bağlı məntəqə sahiblərinə ciddi xəbərdarlıq edilib, yol kənarlarında qanunsuz olaraq quraşdırılmış, qida təhlükəsizliyi tələblərinə uyğun olmayan bir sıra kəsim qurğuları yeri icra orqanlarının nümayəndələri tərəfindən sökülüb.
Agentlik bir daha qanunsuz heyvan kəsimi fəaliyyəti ilə məşğul olan şəxsləri qanunvericiliyin tələblərinə əməl etməyə və qanunazidd fəaliyyətdən yayınmağa çağırır.