“Yeni Klinika” Publik Hüquqi Şəxsin direktoru və digər şəxslər barəsində olan cinayət işi məhkəmə iclası başlayıb.
Sumqayit.tv xəbər verir ki, Bakı Ağır Cinayətlər Məhkəməsində “Yeni Klinika”-ın direktoru Pərviz Abbasov və digərlərinin qanunsuz əməllərinə dair cinayət işi üzrə məhkəmə araşdırması keçirilib.
Hakim Əfqan Hacıyevin sədrliyi ilə keçirilən məhkəmənin hazırlıq iclasında təqsirləndirilən şəxslərin anket məlumatları dəqiqləşdirilib.
Pərviz Abbasovun digər vəkili də məhkəməyə vəsatət verib. Vəsatətdə qeyd edilib ki, cinayət işi materiallarında olan bəzi materiallar yolverilməz sübutlar olduğundan sübutlar siyahısından çıxarılmalıdır.
Vəkil qeyd edib ki, rəsmi məlumat yayılan zaman Pərviz Abbasov cəmiyyətə korrupsioner kimi təqdim olunub.
"Əməliyyat videosunda qara dəftər göstərilir. Qarşısında müəyyən məbləğlər yazılan şəxslərin adı yazılıb. Guya həmin şəxslər klinikaya yerləşdirilmə üçün pul veriblər. Amma istintaq zamanı həmin şəxslərdən bir nəfəri belə dindirilməyib.
Pərviz Abbasovun özünə məxsus 6500 manat götürülüb. Qeyd edilir ki, guya həmin məbləğ Pərviz Abbasov tərəfindən alınan rüşvətdir. Bunu necə sübut etdilər?"- deyə vəkil qeyd edib.
Digər təqsirləndirilən şəxslər və onların vəkilləri vəsatətin təmin edilməsini istəyiblər.
Prokuror isə vəsatətlərin əsassız olduğunu bildirərək təmin olunmamasını istəyiblər.
Məhkəmə müşavirədən sonra vəsstətələrin təmin edilməməsi barədə qərar qəbul edildiyini açıqlayıb.
Məhkəmənin qərarı ilə bu cinayət işi üzrə ev dustaqlığında olan Qalib Nəcəfov, Əvəz Hüseynov və Samir Mirzəyev barəsində həbs qətimkan tədbiri seçilib və məhkəmə zalında həbs ediliblər.
Təqsirləndirilən şəxslərdən yalnız Vüsalə Əliyeva barəsində polis nəzarətinə verilmə qətimkan tədbiri seçilib.