Türk sənətçisi Ertuğrul Sakarın təxminən 250 min izləyicisi olan "Instagram" səhifəsi bağlanıb.

Sumqayit.tv xəbər verir ki, səhifənin bağlanmasına sənətçinin Azərbaycanın Milli Qəhrəmanı, general Polad Həşimovun anası ilə paylaşdığı foto və son günlərdə 44 günlük Qarabağ müharibəsi ilə bağlı çəkməyə hazırlaşdığı film haqqında etdiyi paylaşımlara görə gələn çoxsaylı şikayətlər səbəb olub.

Sakarın həmin paylaşımı 2,5 milyondan çox izlənmə və reaksiyaya səbəb olsa da, xüsusilə erməni və PKK tərəfdarı qrupların təşkilatlanmış etiraz və şikayətləri nəticəsində səhifə bağlanıb.

Sənətçi açıqlamasında yalnız sosial şəbəkə təzyiqləri deyil, həm də özəl təhdid mesajları aldığını bildirib. O bu təhdidlərin görüntülərini də müxbirlərə təqdim edib.

Ertuğrul Sakar səhifəsinin bağlanması ilə bağlı olaraq “Səhifəmin geri qaytarılması üçün lazımi hüquqi prosesi başladacağam” deyib.