Rusiyada koronavirusun “delta plus” ştammı aşkarlanıb. Sumqayit.tv “RİA Novosti” xəbər verir ki, bu barədə Rusiya İstehlakçılarının Hüquqlarını Müdafiəsinə Nəzarət üzrə Federal Xidmətin rəisi Anna Popova bildirib.
Koronavirusun Hindistan ştammı (B.1.617) 2020-ci ilin oktyabrında aşkarlanıb. “Delta” ştammı mutasiya edir. İyunun 27-də Hindistanın Maxaratra əyalətində “delta plus” aşkar edilib.
Xatırladaq ki, İlk dəfə Hindistanda görülən "Delta" ştammına yoluxan şəxslərdə bu əlamətlər müşahidə olunur. Baş ağrısı, burun axıntısı və boğaz ağrısı. Bu simptomlar gənclərdə kəskin soyuqdəymə kimi görünür. Mütəxəssislər bildirir ki, ənənəvi qripin əlamətlərinə çox oxşadığı üçün "Delta" ştammını qriplə qarışdırırlar. Qoxu və dad bilmənin itməsi də əlamətlər arasındadır. 
Hal-hazırda qlobal səviyyədə ən dominant koronavirus növü sayılan "Delta" bu günə qədər 80-dən çox ölkədə qeydə alınıb.