Orta Asiyadan olan onlarla miqrant Moskvanın “Kuzminki” metrostansiyası yaxınlığında kütləvi dava salıb.
Sumqayit.tv-in məlumatına görə bu barədə Rusiya Daxili İşlər Nazirliyi xəbər yayıb.
Rusiya hüquq-mühafizə orqanlarının məlumatına görə, davada 200 nəfər iştirak edib:
“Dava zamanı münaqişə iştirakçıları yol hərəkətinə mane olublar. Davada iştirak edən 20 nəfər polis tərəfindən saxlanılıb. Kütləvi davada bir neçə nəfər yaralanıb. Bəziləri isə ağır bıçaq xəsarətləri ilə xəstəxanaya yerləşdirilib”.
Qeyd olunur ki, davada Özbəkistan, Qırğızıstan və Tacikistan sakinləri iştirak ediblər.
Hadisənin dəqiq səbəbi hələ də məlum deyil.
Faktla bağlı araşdırma aparılır.