"Tesla” şirkətinin milyarder qurucusu İlon Mask günəş batareyası firması almaq üçün şirkətin idarə heyətinin üzvlərinə təzyiq etməkdə günahlandırıldığı məhkəmə iclasında çıxış edib.

Sumqayit.tv Sfera.az-a istinadən xəbər verir ki, İlon Mask məhkəmə iclasında "Tesla” şirkətinin rəhbəri olmaqdan olduqca nifrət etdiyini bildirib.
O deyib ki, vaxtını dizayn və mühəndisliklə keçirmək istəyir.

Qeyd edək ki, "Tesla”nın səhmdarları maliyəsi tükənən "SolarCity” şirkətinin alınması ilə şirkətin qaynaqlarının boşa getdiyini iddia ediblər.
Şirkətin alınması ilə bağlı razılaşma zamanı İlon Mask həm "Tesla”nın, həm də qohumları tərəfindən qurulan günəş paneli şirkətinin 22%-nə sahib olub.
Milyarder sözügedən səhmlərdən qazanc əldə etmədiyini vurğulayıb.