Nazirlər Lavrovla birgə şəkil çəkdirmək istəmədilər
G20 ölkələrinin xarici işlər nazirlərinin görüşündə bir sıra xarici işlər rəhbərləri Rusiya nümayəndəsi ilə birgə fotosessiyada iştirak etmək istəməyiblər .Sumqayit.tv xəbər verir ki, bu barədə Yaponiyanın "Kyodo" agentliyi məlumat yayıb.
"Bu il görüş iştirakçılarının ənənəvi fotosessiyası baş tutmayıb. Səbəb bir sıra xarici işlər nazirlərinin Rusiya Xarici İşlər Nazirliyinin rəhbəri Sergey Lavrovla birgə şəkil çəkdirməkdən imtina etməsidir",- deyə agentlik bildirib.
Məlumata görə, ilk imtina edən ABŞ dövlət katibi Entoni Blinken olub.
Xatırladırıq ki, “Böyük 20-lik” 1999-cu ildən mövcuddur. Buraya - Avropa İttifaqı, ABŞ, Çin, Yaponiya, Almaniya, Fransa, Braziliya, Böyük Britaniya, İtaliya, Rusiya, Kanada, Hindistan, Avstraliya, Meksika, Cənubi Koreya, İndoneziya, Türkiyə, Səudiyyə Ərəbistanı, Argentina, Cənubi Afrika daxildir.
8-07-2022, 11:00
95
Digər xəbərlər
