Müharibələr və silahlı münaqişələr iqlim dəyişikliklərini sürətləndirən əsas amillərdən biridir.                                                                Sumqayıt.tv xəbər verir ki, bu fikirləri Azərbaycan xarici işlər nazirinin müavini Yalçın Rəfiyev Qoşulmama Hərəkatının Bakıdakı ofisində çıxışı zamanı səsləndirib.

Nazir müavini bildirib ki, Azərbaycanın irəli sürdüyü COP atəşkəsi təşəbbüsü yalnız qlobal sülhün təşviqi deyil, eyni zamanda iqlim dəyişmələri ilə mübarizənin mühüm tərkib hissəsidir.

Onun sözlərinə görə, silahlı münaqişələr ətraf mühitə ciddi zərər vurur və bu səbəbdən xüsusilə hazırkı mürəkkəb dövrdə atəşkəs təşəbbüsünün həyata keçirilməsi prioritet məsələlərdən biri hesab olunur.

Yalçın Rəfiyev vurğulayıb ki, iqlim böhranı ilə effektiv mübarizə aparmaq üçün beynəlxalq əməkdaşlıq və sabitlik mühüm əhəmiyyət daşıyır.

14-03-2026, 17:12 32