Sumqayıt şəhərində yerləşən parklardan birində ağacların inventarlaşdırılması və nömrələnməsi işləri aparılıb.

Sumqayit.tv xəbər verir ki, bu proses Ekologiya və Təbii Sərvətlər Nazirliyi ilə IDEA İctimai Birliyinin birgə həyata keçirdiyi layihə çərçivəsində baş tutub.

Məlumata görə, park ərazisindəki ağaclar qeydiyyata alınaraq üzərlərinə xüsusi identifikasiya lövhələri vurulub. Ağaclarla bağlı məlumatlar Rəqəmsal Ekologiya İnformasiya Sisteminin “Yaşıllıqların reyestri” alt sisteminə inteqrasiya olunub və www.agac.az platformasında yerləşdirilib.

Bildirilir ki, layihənin əsas məqsədi yaşıllıqların qorunması, onlara qanunsuz müdaxilələrin qarşısının alınması, elektron reyestrin formalaşdırılması və ictimai nəzarətin gücləndirilməsidir.

Qeyd edək ki, həyata keçirilən tədbirlər Ümumdünya Ətraf Mühit Günü ərəfəsində ekoloji təşəbbüslərin təşviqinə və ətraf mühitin mühafizəsi istiqamətində ictimai fəallığın artırılmasına xidmət edir.

Bu gün, 16:21 8