Rusiya Fövqəladə Hallar Nazirliyindən verilən açıqlamada, Putinin naziri Aleksandr Kurenkova 7,7 və 7,6 bal gücündə zəlzələlərdən sonra binaların dağıntıları altında axtarış-xilasetmə işləri ilə məşğul olan rus qruplarının sayını artırmağı tapşırdığı bildirilib.
Sumqayit.tv xəbər verir ki, Rusiyadan Türkiyəyə 50 nəfərlik briqada və daha 11 həkim göndərildiyi və rusiyalı ekspertlərin sayının 150-dən çox olduğu bildirilib.
Açıqlamada qrupların Kahramanmaraşda düşərgə qurduğu, mütəxəssislərin iki gündür ki, qalıqları araşdırıb çıxarmaq üçün çalışdığı bildirilib.
Eyni zamanda, “Müalicə, cərrahiyyə və reanimasiya bölmələri olan səhra xəstəxanası təcili yardım bölgəsinə yerləşdirilib. 40-dan çox həkim tibbi yardım göstərməyə hazırdır”.  deyə bəyanatda qeyd edilir.
Bundan əlavə, zəlzələlərdən sonra İsgəndərin Limanında baş verən yanğını söndürmək üçün Rusiya tərəfindən göndərilən Be-200 yanğınsöndürən təyyarəsinin, alovun qarşısını almaq üçün gün ərzində 60 ton su tökdüyü məlumatda yer alıb.