“Azərbaycan Respublikası ərazisinə rəsmi sərhədlər xaricində hər hansı bir giriş bu ölkənin ərazi bütövlüyünün pozulması kimi qiymətləndirilir”.

İranın “Mehr” agentliyi xəbər verir ki, bu barədə İran Yollar və Yol İdarəçiliyi Təşkilatının baş direktoru Məhəmməd Cavad Hedayati Xarici İşlər Nazirliyinin 9 oktyabr tarixli direktivinə istinadən beynəlxalq nəqliyyat şirkətlərinin həmkarlar ittifaqlarına yazdığı məktubda deyilir.
Yol idarəsi rəsmi olaraq bildirir ki, Ermənistan ərazisindən Azərbaycan ərazisi olan Qarabağa və Laçın rayonunun (Şərqi Zəngəzur) ərazisinə daxil olması, habelə, bölgə ilə hər hansı bir ticarət müqaviləsinin imzalanması qadağan edilir.